C'hwec'hvet Kenunaniezh
![](http://upload.wikimedia.org/wikipedia/commons/thumb/3/3d/MoshkovVI_SrazhLeypcigomGRM.jpg/220px-MoshkovVI_SrazhLeypcigomGRM.jpg)
Ar C'hwec'hvet Kenunaniezh (1812-1814) zo un emglev-brezel hag a vodas ar Rouantelezh-Unanet hag Impalaeriezh Rusia da gentañ, Rouantelezh Prusia goude, Sveden hag Impalaeriezh Aostria diwezhatoc'hik, hag un nebeud stadoù alaman ouzhpenn, a-enep d'an impalaeriezh c'hall kentañ, harpet c'hoazh gant Italia, Danmark ha stadoù alaman all.
War-dro 2,5 milion a soudarded a gemeras perzh en emgannoù (hag an droiad-vrezel da Rusia a gonter e-barzh), ha bras-spontus e voe an niver a dud lazhet pe gloazet, pe marvet gant ar c'hleñved: tremen 2 milion a dud. E-touez an emgannoù krisañ e lakaer re Smolensk, ar Moskova, Lützen, Dresden hag Emgann ar broadoù e Leipzig e 1813.
Aloubadeg Rusia gant an arme c'hall e 1812
[kemmañ | kemmañ ar vammenn]Feur-emglev Tilsit a oa bet etre Rusia ha Bro-C'hall. Met nac'h a reas an tsar Aleksandr Iañ, broudet gant an noblañsed rus a oa savet a-du gant ar Saozon, da genlabourat gant Napoleon ha da seveniñ blokus Europa evit enebiñ ouzh ar Rouantelezh-Unanet. Napoleon a gavas dezhañ ne chome nemet ober brezel, hag a yeas da aloubiñ Rusia en 1812.
An Arme Vras a oa enni bagadoù soudarded eus an holl vroioù e dalc'h an impalaer gall, Italianed, Alamaned, Aostrianed, en holl 600 000 a dud a dreuzas ar stêr Niemen. E penn an arme rus edo Koutousov.
Troiad-vrezel 1813 en Alamagn
[kemmañ | kemmañ ar vammenn]Brezel dieubidigezh Spagn
[kemmañ | kemmañ ar vammenn]- Gwelout Brezel dieubidigezh Spagn.
Troiad-vrezel Bro-C'hall
[kemmañ | kemmañ ar vammenn]- Gwelet Troiad-vrezel Bro-C'hall.